Падчас рэспубліканскай педагагічнай нарады Аляксандр Лукашэнка згадаў, як спецназ саджаў яблыні ў рэзідэнцыі «Дразды» і распавёў, што да гэтага часу перадае яму ўраджай.
Паводле слоў Лукашэнкі, калі ён пераехаў у рэзідэнцыю ў Дразды яго ўразілі землі, якія пуставалі.
— Цяпер (калі вас адвезці туды, вы ахнеце), там няма ніводнага вольнага кавалачка. Там сады, кавуны, бульбачка, цяпліца, буракі, сланечніка розныя гатункі. Мы вырошчваем, каб праверыць, як гэта будзе ў нас расці.
Першы сад у Драздах, распавёў ён, ён пасадзіў са спецназаўцамі МУС.
— Я іх запрасіў: «Хлопцы, давайце самі яблыні тут пасадзім на такую ўмову: мне трэба на зіму два вядры гэтых яблыкаў (я знайду, дзе ўзяць, але тым не менш), а ўсё астатняе ваша. У мінулым годзе я сказаў тым, хто збіраў яблыкі, калі ў мяне спыталі, што рабіць: «У нас жа ёсць дамова з хлопцамі». Не ведаю, перадалі вам гэтыя яблыкі ці не, — звярнуўся Аляксандр Лукашэнка да міністра ўнутраных спраў Ігара Шуневіча. — Але я заўсёды кажу: «Гэта яны тады пасадзілі гэты сад, я толькі пальцам паказваў, што рабіць. Гадоў 15-17 я ім перадаю гэтыя яблыкі. А пакуль яны служылі — гэта год, паўтара яшчэ - яны прыязджалі да мяне і здымалі самі гэтыя яблыкі, нарыхтоўвалі для сябе.
— Людзі да вясны елі, — пацвердзіў міністр унутраных спраў
— Бачыце, да гэтага часу традыцыя захоўваецца, я вельмі рады.
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны20
Каментары