У Цярнопальскай вобласці Украіны ў пячоры Аптымістычная спелеолагі адкрылі вялікае падземнае возера, якое прэтэндуе на званне найбуйнейшага падземнага возера Украіны, паведамляе Укрінфарм.
Глыбіня возера Мікрон дасягае 5-6 м, плошча паверхні — каля 500 кв. м. Крышталёва чыстая вада мае тэмпературу 7 градусаў.
Як піша TeNews, унікальная пячора Аптымістычная нядаўна адсвяткавала 50-годдзе з дня адкрыцця. Штогод спецыялісты падчас спелеаэкспедыцый знаходзілі тут новыя хады, таму сёння пячора лічыцца самай доўгай у Еўропе. Сярод гіпсавых пячор Аптымістычная — самая доўгая на планеце. Разгалінаванні хадоў у ёй дасягаюць 260 км.
У свой юбілейны год пячора, якая раней лічылася амаль зусім бязводнай, падарыла сваім даследчыкам шмат падземных азёр: Мара, Часціца Бога, Пяціканцовае, Пермскае, Фрыке, Містык, Кішэнька і Мікрон.
Адкрыў возера Мікрон спелеолаг Ігар Трацюк у красавіку. Па словах даследчыка, да возера трэба ісці на каленях на працягу дзвюх гадзін. Сёння пячорнае возера даследуюць людзі вельмі рэдкай спецыяльнасці — спелеадайверы. З хадавікамі, у гідракасцюмах і з кіслароднымі балонамі яны спрабуюць прайсці возера пад вадой.
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары