Прэм’ер-міністрам Косава прызначаны Рамуш Харадзінай, былы палявы камандзір косаўскіх албанцаў, былы кіраўнік ураду рэгіёну Косава ў складзе Сербіі.
Прэзідэнт Хашым Тачы даручыў яму сфармаваць новы кабінет. Яго кандыдатуру і склад новага ўрада павінен ухваліць парламент.
Харадзінай узначальвае «Альянс за будучыню Косава», які 4 верасня ўвайшоў у кааліцыю з Дэмакратычнай партыяй Косава прэзідэнта Тачы, «Новым альянсам для Косава» і партыяй косаўскіх сербаў.
Харадзінай двойчы абвінавачваўся Міжнародным трыбуналам у масавых забойствах косаўскіх сербаў і двойчы быў апраўданы — у красавіку 2008 года і ў лістападзе 2012-га.
Аднак Сербія дагэтуль патрабуе яго выдачы. На падставе сербскага ордару Харадзінай быў затрыманы ў Францыі ў студзені 2017 года, але пазней французскі суд адмовіўся яго экстрадаваць.
Каментары