Навукоўцы заяўляюць, што ў акварыумных рыбак могуць быць розныя характары. Гэта даследаванне, праведзенае адмыслоўцамі з Універсітэта Эксэтэр, апісана ў часопісе Functional Ecology.
Раней існавала меркаванне, што акварыумныя рыбкі гупі дзейнічаюць па простых схемах і іх паводзіны залежаць ад таго, наколькі тыя схільныя да рызыкі. Дзякуючы доследам навукоўцаў высветлілася, што рыбкі здольныя да складаных паводзін.
У эксперыменце ўзялі ўдзел трынідадскія гупі Poecilia reticulata. Біёлагі назіралі за тым, як гэтыя рыбкі любяць рызыкаваць. Каб прымусіць рыбак пахвалявацца, біёлагі змяшчалі іх у новы акварыум ці палохалі макетамі птушак і цыхлідаў, драпежных рыб. У выніку высветлілася, што падвопытных не так ужо і лёгка размясціць па шкале ад «схільныя да рызыкі» да «пазбягаюць рызыкі».
Том Хаслі з Універсітэта Эксэтэр распавёў, што рыбкі прадэманстравалі разнастайнасць стратэгій паводзін у стрэсавай сітуацыі. Адны рыбкі паспрабавалі схавацца, іншыя — уцячы, трэція асцярожна азіраліся, даследавалі новы аб'ект. Адрозненні ў паводзінах не мяняліся на працягу назіранняў.
Дадзенае адкрыццё зацікавіла біёлагаў. У далейшым яны плануюць вывучыць генетычныя аспекты, якія ўплываюць на станаўленне характару рыб і высветліць, у якой ступені ён вызначаецца генамі, а наколькі — досведам і асяроддзем.
Хто тая беларуска, якую экстрадавалі ў ЗША для суда за кантрабанду дэталяў для самалётаў8
Каментары