Адмыслова для беларусаў у Нацыянальнай бібліятэцы Вільні адкрыецца інфармацыйны пункт Рады Еўропы
Згодна з пагадненнем Літвы з Радай Еўропы, у Вільні ствараецца інфармацыйны пункт для грамадзян Беларусі, які на працягу пяці гадоў будзе карыстацца памяшканнямі ў Нацыянальнай бібліятэцы імя Марцінаса Мажвідаса, піша LRT.
Урад Літвы аднагалосна ўхваліў прапанову Міністэрства культуры аб стварэнні ў Вільні спецыяльнага інфармацыйнага пункта для грамадзян Беларусі. Офіс размесціцца ў будынку Нацыянальнай бібліятэкі імя Марцінаса Мажвідаса і будзе дзейнічаць на падставе пагаднення паміж Літвой і Радай Еўропы.
Паводле рашэння Кабміна, міжнароднай арганізацыі перададуць у бязвыплатнае карыстанне памяшканне плошчай каля 24 квадратных метраў тэрмінам на пяць гадоў.
Зараз там ідзе рамонт і пераабсталяванне пад патрабаванні Рады Еўропы — раней у гэтай прасторы чытачы самастойна забіралі замоўленыя кнігі. Расходы на рэканструкцыю і ўтрыманне офіса цалкам бярэ на сябе Рада Еўропы.
Дырэктар бібліятэкі Аўшра Жылінскене паведаміла, што дагавор можа быць падпісаны ўжо ў бліжэйшыя два тыдні. У новым пункце беларусы змогуць атрымаць інфармацыю пра дзейнасць Рады Еўропы, а таксама пра праграмы падтрымкі беларускай грамадзянскай супольнасці ў Літве.
Рашэнне аб стварэнні цэнтра стала вынікам дамоўленасцей, дасягнутых яшчэ ў лістападзе 2024 года паміж тагачасным кіраўніком МЗС Літвы Габрыэлюсам Ландсбергісам і намеснікам генсека Рады Еўропы Б'ёрнам Берге. Літва таксама ўзяла на сябе абавязацельствы па падатковых ільготах для забеспячэння працы офіса.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер11
Каментары