Прэзідэнт ЗША Дональд Трамп растлумачыў, чаму адмяніў паездку сваіх прадстаўнікоў у пакістанскі Ісламабад на перамовы аб Іране. Паводле яго слоў, меркаваны візіт спецпасланніка Стыва Уіткафа і зяця Трампа Джарэда Кушнера быў адменены пасля таго, як міністр замежных спраў Ірана Аббас Арагчы адмовіўся прымаць умовы Вашынгтона і пакінуў Пакістан, піша Reuters.
Трамп рэзка раскрытыкаваў іранскае кіраўніцтва, ужо не першы раз заявіўшы, што ў Іране нібыта няма адзінства і зразумелага лідарства. Ён падкрэсліў, што, на яго думку, ЗША знаходзяцца ў больш моцнай пазіцыі і «маюць усе козыры», у той час як Іран — не. Таксама ён адзначыў, што калі Тэгеран хоча перамоў, то павінен сам ініцыяваць кантакт.
Напружанне паміж ЗША і Іранам абвастрылася пасля авіяўдараў у ЗША і Ізраіля ў канцы лютага. У адказ Іран нанёс удары па ізраільскіх і амерыканскіх аб’ектах і фактычна абмежаваў рух праз Армузскі праліў — ключавы маршрут для сусветных паставак нафты.
Хоць цяпер паміж бакамі дзейнічае перамір’е, істотнага прагрэсу ў перамовах пакуль няма. Сітуацыю ўскладняе сярод іншага тое, што Іран патрабуе спынення ізраільскіх удараў па Ліване як умовы для далейшага дыялогу, на што не пагаджаецца Ізраіль.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра3
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары