У ЕС будзе створаная новая структура, дыскусіі аб якой ішлі ўжо некалькі гадоў. У чацвер дэпутаты Еўрапейскага парламента прагаласавалі за заснаванне пракуратуры ЕС, якая будзе займацца, у прыватнасці, неправамерным выкарыстаннем бюджэтных сродкаў Еўрасаюза і трансгранічнымі махінацыямі з ПДВ у буйных маштабах. Цяпер крымінальны пераслед гэтых правапарушэнняў ажыццяўляецца на нацыянальным узроўні, паведамляе DW.
Па планах, Еўрапейская пракуратура адкрыецца ў 2020 годзе ў Люксембургу, у яе стварэнні будуць удзельнічаць 20 краін ЕС, уключаючы Германію. Кожная краіна накіруе ў ведамства па адным пракуроры. Пазней да працы пракуратуры могуць падключыцца іншыя дзяржавы Еўрасаюза.
Міністр юстыцыі ФРГ Хайка Мас вітаў стварэнне Еўрапейскай пракуратуры. Па яго словах, нацыянальныя і еўрапейскія меры па крымінальным пераследзе ў будучыні стануць больш эфектыўнымі.
У ліпені Еўрапарламент выпусціў дырэктыву, якае вызначае пералік злачынстваў, што будуць знаходзіцца ў сферы ўплыву Еўрапейскай пракуратуры. Гэты спіс можа быць дапоўнены, у прыватнасці, тэрарызмам.
Каментары