«Выпадак з помнікам Касцюшку — выключэнне, а не правіла. Польшча паслядоўная ў падтрымцы беларускай незалежнасці»
Абсалютнае глупства напісаў Стась Карпаў. («Польшча [хоча, каб Беларусь была ў статусе] буфернай зоны і сумесі недапольскіх з таксамарускімі».). Наадварот, Польшча 27 гадоў паслядоўна трымаецца канцэпцыі Гедройця: паслядоўная падтрымка незалежнасці і нацыятварэння ва Украіне, Літве, Беларусі і поўная адмова ад прэтэнзій да гэтых краін. На канцэпцыі Дмоўскага пастаўлены крыж, канцэпцыя Гедройця рэалізуецца незалежна ад таго, хто каго змяняе пры ўладзе ў Варшаве.
Польшча ўкладае агромныя сродкі ва ўмацаванне незалежнасці і ідэнтычнасці Беларусі, у дапамогу беларускай культуры. Адзіны беларускамоўны тэлеканал працуе не за беларускія, а за польскія грошы.
Наконт палітыкі — Стасю варта пачытаць кнігу Снайдэра «Рэканструкцыя нацый». Снайдэр паказвае, наколькі Варшава паслядоўная ў сваёй палітыцы, скіраванай на падтрымку незалежнасці і цэласнасці Беларусі і Украіны.
Выпадак з помнікам Касцюшку — выключэнне, а не правіла, не ведаю, ці ён звязаны з палітычнымі зменамі ў Польшчы.
Вядома, за беларусаў ніхто Беларусі не зробіць, пільнаваць сваіх інтарэсаў трэба нам. Але раздзіманне істэрыі супраць усіх і пошук ворагаў на ўсіх кірунках — самае тупое, што могуць рабіць беларускія інтэлектуалы.
***
Каментары