19 кастрычніка двое пасажыраў забралі ў кіроўцы тралейбуса праязныя талоны і раздалі іх пасажырам. 1 лістапада мужчын знайшлі.
Пакуль што праводзіцца праверка дзеянняў мужчынаў, паведамляе telegraf.by. Калі падзеі ў тралейбусе кваліфікуюць як рабаўніцтва, мужчыны могуць атрымаць да 5 гадоў пазбаўлення волі.
Нагадаем, што падчас руху тралейбуса па маршруце здарылася аварыя. Кіроўца быў вымушаны адхіліцца ад маршруту. Пра гэта ён абвясціў пасажырам. Аднак двум пасажырам-мужчынам гэта не спадабалася. На прыпынку яны выйшлі з салона тралейбуса, зайшлі ў кабіну кіроўцы і запатрабавалі пакрыць аплачаны праезд, бо рух па новым маршруце іх не задавальняе.
У выніку мужчыны забралі праязныя талоны, што ляжалі на прыборнай панэлі, узялі некалькі сабе, а астатнія раздалі іншым незадаволеным пасажырам.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары