Незалежная кансалтынгавая кампанія BDRC Continental правяла даследаванне коштаў паслуг інтэрнэт-правайдэраў 196 краін свету. Выявілася, што самы танны інтэрнэт — у краінах СНД, а самы дарагі — у афрыканскіх.

Даследчыкі перавялі ў даляры кошт 3351 тарыфа ад розных пастаўшчыкоў інтэрнэту, у тым ліку 24 пакета паслуг у Беларусі. Выявілася, што сярэдні кошт шырокапалоснага інтэрнэту ў нашай краіне — 12,77 даляраў, што ставіць Беларусь на сёмае месца ў спісе.
На першым месцы апынуўся Іран, дзе сярэдні кошт інтэрнэта складае 5,37 даляраў у месяц. Самы ж дарагі кошт выхаду ў глабальную сетку — у Буркіна-Фасо, дзе за гэта трэба заплаціць неймаверныя не толькі па афрыканскіх, але і па беларускіх мерках 954,54 даляраў.
А вось, на якіх месцах размясціліся нашыя суседзі (сярэдні кошт пакета паслуг на месяц):
2. Украіна — $5.47
3. Расія — $10.10
12. Польшча — $19.40
16. Латвія — $19.87
121. Літва — $70.53
-
Новая тканіна можа сама награвацца больш чым на 30 градусаў, каб ратаваць у экстрэмальна халоднае надвор'е
-
ChatGPT адкрыў функцыю Deep Research для карыстальнікаў з самай таннай падпіскай. Вось як яна працуе і што можа
-
Стварыць уласны сайт для бізнэсу або блогу нашмат прасцей і танней, чым вы думаеце
Каментары