Гэта будзе зроблена ва ўсходняй частцы Кастрычніцкага раёна сталіцы.
У Мінску ў межах вуліц Сярова, Жлобінскай і Любанскай знясуць адно– і двухпавярховыя дамы. На вызваленай тэрыторыі вырасце новы квартал шматпавярховых дамоў, пішуць Мінск-навіны.
Паводле слоў кіраўніка адміністрацыі Кастрычніцкага раёна Эдуарда Тамільчыка, малыя дамы ў гэтым квартале састарэлі, таму было прынята рашэнне аб іх зносе. Да дэмантажу першых двухпавярховікаў на вуліцы Сярова прыступілі яшчэ ў 2024 годзе.
Цяпер там завяршаецца будаўніцтва жылога дома, акт уводу ў эксплуатацыю падпішуць на працягу некалькіх тыдняў. Праект суседняга дома знаходзіцца на экспертызе — яго плануюць закласці ў пачатку 2027 года і ўвесці ў эксплуатацыю ў пачатку 2028-га.
Тое ж адбудзецца і на вуліцах Любанскай, Пірагова і Пухавіцкай — там ужо запраектаваныя два жылыя дамы. Яшчэ тры шматпавярховікі пабудуюць на вуліцы Жлобінскай — будаўнічыя работы на гэтым участку пачнуцца ў 2028 годзе.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Коммуникации внутри заменить, но с этого ж ничего не будет строительным барыгам, им нужно муравейник, чтоб нахапаться
Нужно повышать узнаваемость Минска и его наполняемость!