Высокапастаўленыя прадстаўнікі Расіі і ЗША правялі перамовы аб прыцягненні амерыканскага інвестара да газаправодаў «Паўночны паток». Пра гэта паведаміў Reuters са спасылкай на крыніцы.
У перамовах удзельнічалі спецпрадстаўнік прэзідэнта Расіі па інвестыцыйна-эканамічным супрацоўніцтве з замежнымі краінамі, кіраўнік Расійскага фонду прамых інвестыцый Кірыл Дзмітрыеў і зяць амерыканскага лідара Джарэд Кушнер.
Два суразмоўцы Reuters заявілі, што незразумела, у якой ступені абмяркоўвалася тэма «Паўночнага патоку». Пры гэтым яны адзначылі, што яна застаецца «на парадку дня».
Ідэя прыцягнення амерыканскага інвестара да «Паўночных патокаў» ужо ўздымалася ў 2024 годзе. З такой ідэяй выступаў Стывен Лінч, які 20 гадоў займаўся бізнэсам у Расіі. Ён звяртаўся да ўрада ЗША з просьбай выдаць яму ліцэнзію на ўдзел у таргах, калі газаправод «Паўночны паток — 2» выставяць на аўкцыён, пісала The Wall Street Journal.
Лінч разглядаў гэтую здзелку як «рычаг ціску на Расію» ў мірных перамовах. «Сутнасць у наступным: гэта ўнікальная магчымасць для Амерыкі і Еўропы кантраляваць энергазабеспячэнне Еўропы да канца эры выкапнёвага паліва», — казаў Лінч.
Дэпутатка, якая рыхтуе прыгажунь для Лукашэнкі, выйшла замуж23
Каментары