Канье Уэст зарабіў на адмененых у Расіі канцэртах 20 мільёнаў даляраў
Канье Уэст меўся выступіць у Санкт-Пецярбургу 10 і 11 кастрычніка, але абодва канцэрты адмянілі. Паводле «Коммерсанта», амерыканскі рэпер ужо атрымаў за іх каля 20 мільёнаў даляраў. І, імаверна, не верне гэтыя грошы.
Амерыканскі рэпер Канье Уэст, вядомы таксама як Ye, атрымаў каля 20 мільёнаў долараў за два канцэрты ў Санкт-Пецярбургу. Пра гэта паведамляе «Коммерсантъ» са спасылкай на дзве крыніцы, знаёмыя з сітуацыяй. Выступы мелі прайсці 10 і 11 кастрычніка на «Газпрам Арэне», але па невядомых прычынах былі адмененыя. Імаверна, іх не ўзгаднілі на самым версе.
Адзін з суразмоўцаў газеты ўдакладніў, што ўся сума не з’яўляецца асабістым заробкам музыканта.
«Гэта не чысты ганарар — з гэтых грошай аплачваюцца, напрыклад, паслугі яго персаналу», — сказаў ён.
Паводле другой крыніцы, Уэст, верагодна, не верне грошы за канцэрты, бо гэта не прадугледжана яго кантрактам.
Арганізатарам выступаў было маскоўскае агенцтва Say Agency. Яно абяцае пачаць вяртанне грошай за білеты 12 кастрычніка — пасля дат, на якія былі прызначаныя канцэрты. Пакупнікі ўжо падаюць пазовы з патрабаваннем вярнуць сродкі.
Кіраўніца агенцтва Ганна Субчава настойвае, што кампанія не парушыла «ніводнага закона». Паводле яе, канкурэнты стварылі хвалю негатыву вакол канцэртаў, а СМІ яе ўзмацнілі.
Прапагандысты на «Салаўёў Live» пасля навіны пра канцэрт Канье Уэста разнеслі «Газпрам»: «Цікава, калі гэты сорам спыніцца».
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары