Заяўленага на 4 чэрвеня канцэрт Deep Purple у Мінску ў рамках сусветнага туру «The Long Goodbye Tour» не будзе.
«З вялікім шкадаваннем паведамляем аб адмене канцэрту Deep Purple у Мінску ў сувязі з лагістычнымі складанасцямі. Замест гэтага група 3 чэрвеня выступіць у Рызе і затым адправіцца ў Кіеў. Выбачаемся за дастаўленыя нязручнасці», - адзначаюць арганізатары.
—«The Long Goodbye Tour» прысвечаны 50-годдзю Deep Purple і многімі ўспрымаецца, як развітальны. «Гэта апошні вялікі сусветны тур», — казаў Іэн Пэйс у інтэрв'ю Rock Antenne. Бліжэйшыя да Беларусі канцэрты тура пройдуць у Маскве (30 мая), Санкт-Пецярбургу (1 чэрвеня), Рызе (3 чэрвеня), Кіеве (6 чэрвеня).
Абмен квіткоў на іншыя мерапрыемствы арганізатара — www.chg.by
Каментары