Васьміразовы алімпійскі чэмпіён Уле Эйнар Б'ёрндален распавёў, як прыняў навіну аб тым, што не зможа выступіць у Пхенчхане-2018.
«Шанцаў няма - я ўсё зрасходаваў. І не заслужыў я гэта права, спазніўся са сваёй формай. Я шмат усяго пераадолеў летам і восенню. Хацеў бы выбачыцца перад заўзятарамі за тое, што не змагу іх парадаваць на Алімпіядзе. Маёй мэтай было выйсці на пік формы да Карэі, хто ж ведаў, што я не змагу туды нават кваліфікавацца».
— Была інфармацыя, што Міжнародны алімпійскі камітэта можа выдаць вам персанальнае запрашэнне.
— Так, была вялікая дыскусія, мне нават тэлефанавалі з МАК. Яны выклалі ўсе карты на стол і зрабілі ўсё, што ад іх залежала. Але гэтага аказалася недастаткова. Толькі нацыянальны алімпійскі камітэт можа выдаваць такое запрашэнне.
Мяркуецца, што Уле Эйнар усё ж паедзе ў Карэю, але каб падтрымаць сваю жонку Дар'ю Домрачаву.
Цяпер чытаюць
Загінуў беларускі добраахвотнік Васіль «Дзір» Рапіцкі11
Каментары