На 26-м годзе жыцця памёр былы хакеіст мінскага «Юнацтва», «Віцебску» і «Ліды» Канстанцін Грынь, паведамляе belarushockey.com.
У снежні 2016 года ў яго выявілі пухліну ў страўніку і прызначылі 6 курсаў хіміятэрапіі. Пасля 3 курсаў пухліна сышла і зацягнулася шнарам, але пасля 6-га курса зноў пачала расці. Яшчэ адзін курс не дапамог, пухліна павялічылася да 10 см. Была праведзена аперацыя, у выніку якой выдалілі 2/3 страўніка. Затым прызначылі яшчэ 6 курсаў хіміятэрапіі …
Канстанцін Грынь — выхаванец мінскага «Юнацтва». Гуляў за каманду ў чэмпіянаце Моладзевай хакейнай лігі (2010/11, 2012/13), стаўшы аўтарам першай шайбы мінчан у МХЛ.
У МХЛ таксама выступаў за каманду «Сярэбраныя львы» з Санкт-Пецярбурга (2011—2012).
У вышэйшай лізе чэмпіянату Беларусі гуляў за мінскі «Юніёр», «Ліду-2», у экстралізе выступаў за «Віцебск», «Юніёр», «Ліду».
Пасля заканчэння спартовай кар'еры паступіў у БДЭУ, працаваў менеджарам.
***
На тэлеграм-канал «Нашай Нівы» можна падпісацца тут.
Цяпер чытаюць
Ціханоўскі на мітынгу ў Варшаве: Я зламаю гэты рэжым ВІДЭА4
Каментары