Паўночнаатлантычны альянс прызнае імкненне Украіны да набыцця паўнавартаснага сяброўства ў гэтай арганізацыі. Пра гэта паведамляе афіцыйны сайт альянсу ў раздзеле, прысвечаным пашырэнню NATO:
— На дадзены момант чатыры краіны-партнёры задэкларавалі сваё імкненне (aspirations) да сяброўства ў NATO: Боснія і Герцагавіна, Грузія, былая югаслаўская рэспубліка Македонія, а таксама Украіна.
Таксама на гэтай старонцы змяшчаецца тлумачэнне аб статусе «краіны-аспіранта» (Aspirant country), пад які з гэтага часу падпадае Украіна. «Краіны, якія задэкларавалі цікавасць у далучэнні да Альянсу, спачатку атрымліваюць запрашэнне далучыцца да інтэнсіфікаванага дыялогу з NATO па іх імкненні да сяброўства і звязаных з гэтым рэформам», — гаворыцца ў тлумачэнні.
Да гэтага часу ў Альянсе адмаўляліся афіцыйна прызнаць імкненне Украіны да набыцця сяброўства ў NATO. Да ўчорашняга дня на сайце NATO сцвярджалася, што Украіна «не мае фармальных памкненняў да сяброўства».
Лукашэнка нервова пракаментаваў візіт Ціханоўскай у Кіеў45
Каментары