У Гомелі прайшла нарада, на якой прааналізавалі прычыны суіцыдаў, якія адбыліся ў 2017 годзе.
На нарадзе прысутнічалі работнікі Следчага камітэту, пракуратуры, міліцыянты, чыноўнікі і псіхіятры.
Адзначаецца, што ў Гомельскай вобласці колькасць тых, хто скончыў жыццё самагубствам, большая, чым колькасць загінулых ад іншых фактараў.
«Сваю лепту ў сумную статыстыку маглі ўнесці «Сіні кіт» і іншыя дэструктыўныя рухі ў падлеткавым асяроддзі, распаўсюджванне якіх аднак ўдалося спыніць дзякуючы экстраным мерам і суладнай працы кампетэнтных органаў і службаў», — паведамляе гомельская пракуратура.
У сваім дакладзе пракурор Гомельскай вобласці Віктар Марозаў прывёў асобныя факты, калі медыцынскія работнікі былі інфармаваныя пра спробы некаторых асоб звесці рахункі з жыццём і пры гэтым не прынялі належных мер да прадухілення, не аказалі людзям неабходнай псіхіятрычнай дапамогі.
«У рамках праведзеных праверак пракурорскія работнікі па «тэлефоне даверу» тэлефанавалі ў службу экстранай псіхалагічнай дапамогі. Высветлілася, што ў шэрагу выпадкаў нумары тэлефонаў тэрытарыяльных цэнтраў сацыяльнага абслугоўвання насельніцтва не існавалі. Часам тым, хто тэлефанаваў, прапаноўвалася звярнуцца ў платную даведкавую службу, у іншых выпадках чалавеку рэкамендавалі запісацца на прыём да доктара», — паведамляе пракуратура.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары