Барысаўчанка адсудзіла ў былога працадаўцы 38 тысяч рублёў — яе няправільна звольнілі
Жыхарку Барысава, якая адпрацавала ў арганізацыі паўгода, звольнілі з парушэннем працоўнага заканадаўства. Тая пайшла ў суд.
Жанчына ўладкавалася ў арганізацыю галоўным спецыялістам аддзела вадазабеспячэння і каналізацыі ў ліпені 2025 года, расказвае Onliner. Праз паўгода яна палічыла, што наймальнік парушае працоўнае заканадаўства, і звольнілася.
У дзень звальнення з ёй не разлічыліся, хоць яна мусіла атрымаць зарплату з лістапада 2025 года па студзень 2026 года, кампенсацыю за нявыкарыстаны адпачынак і датэрміновае скасаванне кантракта.
Суд стаў на бок былой работніцы. У рашэнні адзначаецца, што паводле закона ўсе сумы мусяць выплаціць супрацоўніку не пазней за дзень звальнення. Калі гэтага не адбылося з віны наймальніка, работнік мае права патрабаваць сярэдні заробак за кожны дзень затрымкі.
У выніку суд спагнаў на карысць былой супрацоўніцы 24 тысячы рублёў — гэта запазычанасць па зарплаце, кампенсацыя за нявыкарыстаны адпачынак і датэрміновае скасаванне кантракта. Акрамя таго, суд абавязаў арганізацыю выплаціць 14 тысяч рублёў сярэдняга заробку за затрымку канчатковага разліку.
Рашэнне ўступіла ў законную сілу.
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе23
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары