Ці згнілі «Джылі»? Яшчэ й як згнілі! Вось як выглядае Geely Atlas Pro пасля трох беларускіх зім
Віцебская майстэрня, якая займаецца кузаўным рамонтам аўто і антыкаразійнай апрацоўкай кузава, паказала, што сталася з паркетнікам Geely пасля трох беларускіх зім.
На відэа паказаны Geely Atlas Pro 2022 года з прабегам 95 тысяч кіламетраў.
Нягледзячы на тое, што чатырохгадовы паркетнік перажыў усяго тры зімы, днішча аўтамабіля мае шмат ачагоў карозіі.
«А знізу тут усё — ужо торба, купа ржы. З сутыкаў металу ідзе ржа, усё лушчыцца, плюс у схаваных поласцях сітуацыя такая самая», — кажа майстар і паказвае, як шмат карозіі ў аўто 2022 года выпуску.
На відэа бачна, што на днішчы не засталося ніводнага элемента, які б не зачапіла карозія.
Шмат карозіі таксама на бэльках і іншых элементах кузава. Іржа не пашкадавала ланжэронаў і ўзмацняльнікаў.
Апроч месцаў, дзе карозія ўжо прыкметна раз'ела метал, на гэтым Geely не бракуе месцаў, дзе лакафарбавы слой толькі нядаўна адваліўся і ўтварыў месцы з аголеным металам.
Адметна, што карозія ідзе перш за ўсё ў месцах, дзе ідуць мацаванні, што асабліва небяспечна ў будучыні, калі карозія раз'есць метал.
Не менш жахліва выглядаюць колавыя аркі. Каб не давесці да таго, каб праз яшчэ некалькі беларускіх зім гэтую Geely давялося варыць, уласніку мусова выкласці нямала грошай на выдаленне ржы з наступнай грунтоўкай і антыкаразійнай апрацоўкай.
Улады Гродна паведамілі пра выхад з ладу ліўнёўкі пад ударам стыхіі1
Каментары