Рэжым Кім Чэн Іра купляе зброю замест таго, каб карміць сваіх грамадзянаў. Гэта магчыма, таму што Паўночная Карэя атрымлівае харчовую дапамогу з усяго свету, сьцвярджаюць парламентарыі з Паўднёвай Карэі.
Паўночная Карэя мае адно з самых вялікіх войскаў на свеце і цягам апошніх пяці год патраціла на зброю 65 мільярдаў даляраў, нягледзячы на тое, што насельніцтва краіны галадае. Зброю рэжыму Кім Чэн Іра прадае ня толькі Кітай, але і Расія, Германія, Славакія. Гэтыя дадзеныя агучыў адзін з паўднёвакарэйскіх дэпутатаў, спасылаючыся на дадзеныя разведкі.
На сёньняшні дзень войска Паўночнай Карэі (23 мільёны жыхароў) налічвае болей за 1,7 мільёна салдат. Утрыманьне такога вялікага войска выцягвае 25 % усяго нацыянальнага бюджэту. Рэжым можа сабе гэта дазволіць, бо ён атрымлівае харчовую дапамогу ад шматлікіх краінаў і арганізацый, у тым ліку ад Арганізацыі Аб'яднаных Нацый і Паўднёвай Карэі.
Абраны ў гэтым годзе кансэрватыўны прэзідэнт Паўднёвай Карэі Лі Мён Бак абвесьціў, што ён спыніць дапамогу рэжыму Кім Чэн Іра і высьветліць, што куплялася на грошы, якія ішлі на Поўнач.
Тым часам Сусьветная харчовая праграма ААН, якае займаецца дапамогай рэгіёнам, у якіх пануе голад, прагназуе, што гэты год можа быць адным з найгоршых для насельніцтва Паўночнай Карэі і што болей за 6 мільёнаў людзей могуць не мець сталага харчаваньня.
Але рэжым Кім Чэн Іра гэта ня вельмі непакоіць. Ён абвесьціў пра аднаўленьне атамнай праграмы, пагражаючы, што ў выпадку, калі Паўночная Карэя не атрымае ежы, нафты і грошай, Захад можа нават ня марыць аб атамным раззбраеньні.
Цяпер чытаюць
Сталі вядомыя падрабязнасці пра трагедыю ў Полацкім манастыры3
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары