Еўрапейскі банк рэканструкцыі і развіцця (ЕБРР) купляе блакуючы пакет акцый беларускага ЗАТ «РРБ-Банк». Пра гэта гаворыцца ў паведамленні ЕБРР.
Адпаведнае пагадненне аб набыцці мінарытарнага пакета акцый «РРБ-Банка» oжо падпісана. «ЕБРР набывае 25 % плюс адна акцыя ў гэтым банку», — зазначаецца ў прэс-рэлізе Еўрапейскага банка рэканструкцыі і развіцця.
«РРБ-Банк» быў заснаваны ў 1994 годзе. Ён займае 18-ю пазіцыю сярод 27 банкаў Беларусі па аб'ёме актываў.
ЕБРР з'яўляецца таксама адным з васьмі заснавальнікаў «Беларускага банка малога бізнесу», што адкрыўся ў Мінску ў верасні гэтага года.
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным24
Каментары