Змены ў закон аб СМІ запатрабаваныя беларускім грамадствам. Пра гэта заявіў міністр інфармацыі Беларусі Аляксандр Карлюкевіч ў інтэрв'ю каналу СТВ, паведамляе БелТА.
«Грамадзяне нашай краіны, апынуўшыся ў ролі паддоследных трусаў, выказваюць сваю ацэнку, уносяць свае прапановы, патрабуюць абмежаваць доступ, зачыніць той ці іншы рэсурс»,
— адзначыў Аляксандр Карлюкевіч.
Гаворачы аб значнасці змяненняў, кіраўнік Мінінфарма падкрэсліў, што яны закліканы «ўсё прывесці ў заканадаўчы парадак і заклікаць грамадства, якое не можа без інтэрнэту, проста быць цывілізаваным».
Аляксандр Карлюкевіч пракаментаваў і такую навацыю як ідэнтыфікацыя карыстальнікаў, якія размяшчаюць інфармацыю на інтэрнэт-рэсурсах. Кіраўнік Мінінфарма дадаў, што аналагічныя і нібыта нават больш жорсткія заканадаўчыя нормы дзейнічаюць у замежных краінах.
Каментары