Па дадзеных NY Times, у чацвер прадстаўнік Еўрапейскага агенцтва па бяспецы авіяперавозак паведаміў, што прапанова авіякампаніям улічваць магчымасць нанясення удараў па Сірыі ад 10 красавiка насіла рэкамендацыйны характар. Тым не менш найбуйнейшыя авіякампаніі вырашылі не выкарыстоўваць звычайна загружаныя эшалоны, якія праходзяць над тэрыторыяй Сірыі.
У прыватнасці, змянілі свае маршруты Air France, Lufthansa і easyJet. Кувейцкая Kuwait Airways адмяніла палёты ў Бейрут, а асноўны ліванскі перавозчык Middle East Airlines абвясціў пра перагляд часткі раскладу да вечара 13 красавіка.
Прадстаўнік арганізацыі Eurocontrol, якая ажыццяўляе асноўныя дыспетчарскія функцыі ў краінах ЕС, указаў, што сітуацыя не з'яўляецца ўнікальнай. Напрыклад, некалькі гадоў таму тое ж самае адбывалася, калі Расія пры дапамозе ракет з акваторыі Каспійскага мора атакавала пазіцыі баевікоў «Ісламскай дзяржавы» на тэрыторыі Сірыі.
Каментары