Расійскі рынак прадэманстраваў спелую рэакцыю на новыя санкцыі ЗША, ваганні курсу рубля не былі крытычнымі, паведамляюць «Ведамасці» са спасылкай на першага намесніка старшыні Цэнтрабанка Ксенію Юдаеву, якая выступала ў панядзелак на форуме расійскай нацыянальнай фондавай асацыяцыі «Казначэйства 2018».
На мінулым тыдні на расійскім рынку адбыўся ўсплёск валацільнасці з-за новых санкцый ЗША супраць расійскіх кампаній і росту напружанасці вакол Сірыі, канстатавала Юдаева. У цэлым рэакцыя рынку на гэтыя падзеі «была адэкватная сітуацыі», лічыць яна.
«Валацільнасць на рынках актываў - гэта рынкі акцый, аблігацый - на валютным рынку ўзрасла, але гэта не парушыла бесперапыннасці працы рынкаў, не стварыла сітуацыі некантраляваных зменаў. Можна сказаць, што расейскі рынак прадэманстраваў пэўную сталасць рэакцыі, стабільнасць сваёй працы ва ўмовах рэзкага змены знешніх фактараў», - сказала на заканчэнне Юдаева (цытаты па «Інтэрфаксу»).
Паводле слоў першага намесніка старшыні ЦБ РФ, сітуацыя на расійскім валютным рынку цяпер стабільнейшая, чым ў 2014 і 2016 гг.
Расійскі фондавы рынак абваліўся, а курс рубля пачаў слабець пасля абвешчаных 6 красавіка мінфінам ЗША новых антырасейскіх санкцый - інвестары пачалі масава выходзіць з расійскіх актываў.
Да 16 красавіка рынак часткова адыграў страты. Курс рубля з 58,17 руб. за даляр і 71,38 за еўра ўвечары 6 красавіка падаў да 65,06 руб. і 80,05 руб. 11 красавіка.
Беларускі рубель за гэты перыяд ўмацаваўся да расійскага на 3,7%. Пры гэтым эксперты адзначаюць, што такое ўмацаванне непажадана для экспарцёраў, арыентаваных на рынак Расіі, бо зніжае канкурэнтаздольнасць беларускіх тавараў. З пачатку года беларускі рубель умацаваўся да расійскага на 1%.
У панядзелак пры адкрыцці біржы расійскі рубель значна патаннеў у чаканні новых санкцый і пасля ўдару ЗША і іх саюзнікаў па Сірыі, піша Рэйтэр. Аднак далей страты скараціліся, паколькі дасягнутыя доларам узроўні з'яўляюцца прывабнымі для продажаў экспартнай выручкі пад выплату падаткаў.
Пра тое, што ЗША маюць намер увесці дадатковыя санкцыі супраць Расеі ў адказ на падтрымку Масквой рэжыму Башара Асада, у суботу ў сваім акаўнце ў Twitter таксама паведаміў эксперт Atlantic Council, былы дарадца санкцыйных бюро Мінфіна ЗША Браян О'Тул.
Разведка ЗША: Беларусь стала перадавым вайсковым плацдармам Расіі24
Каментары