У Львове звольнілі настаўніцу, якая павіншавала Гітлера з днём нараджэння ў фэйсбуку
20 красавіка дэпутат Львоўскага гарадскога савета ад партыі «Свабода», настаўніца Мар'яна Бацюк распаўсюдзіла ў фэйсбуку віншаванне з днём нараджэння лідара Трэцяга Рэйху Адольфа Гітлера. Расійскія прапагандысцкія СМІ адразу ж падхапілі гэтую навіну. Сама настаўніца сцвярджала, што яе старонку ўзламалі.
«Ну, мабыць, гэта нейкі напад на мяне, на маю палітычную сілу, я не ведаю, у чым справа і чаму менавіта цяпер, чаму менавіта ў гэты дзень. Я вучу дзяцей, вучу патрыятызму і гэта дзіўна, што такія рэчы з'яўляюцца на маёй старонцы, вядома, я гэтага не рабіла», — запэўнівала Мар'яна Бацюк.
Кіраўнік школы, дзе Мар'яна Бацюк працавала настаўнікам і намеснікам дырэктара, кажа, настаўнікаў у сацыяльных сетках не кантралюе, а пра пост даведаўся ад журналістаў. Учынак калегі асудзілі ўсе настаўнікі, было прызначана службовае расследаванне.
А сёння стала вядома, што Мар'яну Бацюк звольнілі з працы. Пра гэта паведамляе прэс-служба гарсавета Львова і мэр Львова Андрэй Садавы.
Але пра звальненне настаўніцы расійскія СМІ не напісалі.
Адзначаецца, што Бацюк афіцыйным лістом запрашалі 24 красавіка ў «Гарадскі цэнтр інфармацыйных тэхналогій», каб яна магла растлумачыць сваю пазіцыю. Аднак настаўніца не з'явілася для тлумачэнняў. І рашэнне аб звальненні было прынята ў сувязі з адсутнасцю афіцыйных аспрэчанняў напісанага ў фэйсбуку.
А сёння, 25 красавіка, Мар'яне Бацюк у памяшканні школы было паўторна прапанавана даць доступ да архіва яе акаўнта ў Facebook, аднак, яна адмовілася гэта зрабіць.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага41
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу142142
Каментары