Створаны матэрыял з гідрагелю, які ў 5 разоў больш трывалы за сталь
Навукоўцы з універсітэта Хакайда распрацавалі набор гідрагелевых кампазітаў, якія ўяўляюць сабой гідрагель, у структуру якога ўбудаваныя асаблівыя валокны. Атрыманы ў выніку кампазітны матэрыял аказаўся ў 5 разоў больш трывалы за высокавугляродзістую сталь, піша New Atlas.
Структурную аснову гідрагелю складаюць гідрафільныя палімерныя ланцугі, што на 90% складаюцца з вады. Зрабіць іх эластычнымі, гнуткімі і пры гэтым вельмі трывалымі стала магчымым дзякуючы даданню шкляных мікравалокнаў у выніку фарміравання дынамічнай іённай сувязі.
Характарыстыкі армаванага шкловалокнамі гідрагелю выглядаюць неверагодна: ён у 100 разоў больш трывалы за любы звычайны гідрагель, у 25 разоў — за шкловалакно і ў 5 разоў — за высокавугляродзістую (вельмі трывалую) сталь.
Каментары