Італьянскія археолагі знайшлі рэшткі баявога каня, які быў у вулканічным попеле гары Везувій у Пампеях, паведамляе Independent.
Рэшткі жывёлы былі знойдзеныя за межамі горада, у руінах вілы, якая знаходзілася менш чым за кіламетр ад гарадскіх сцен.
Навукоўцы зрабілі гіпсавы злепак загінулай жывёлы. Упершыню, дзякуючы падобнай тэхніцы злепка, стала магчыма аднавіць поўны сілуэт каня, якога знайшлі ў зоне, якая пацярпела ад вывяржэння вулкана.
Акрамя рэштак каня, пры раскопках знайшлі амфары, посуд і фрагменты драўлянага ложка. Археолагі таксама раскапалі магілу чалавека, які памёр пасля вывяржэння, а таксама прадметы хатняга ўжытку, у тым ліку збан.
Каментары