Улада77

Мутная гісторыя. Ці прыязджаў прэм’ер-міністр Венгрыі Віктар Орбан у Беларусь? Разбіраемся

У Брэсце 6 чэрвеня адбыўся таварыскім матч паміж нацыянальнымі камандамі Беларусі і Венгрыі. Па звестках сайта pressball.by, у Беларусь на гульню прыляцеў прэм’ер-міністр Венгрыі Віктар Орбан.

Віктар Орбан. Фота «Голас Амерыкі».

Афіцыйна пра гэты візіт нідзе не паведамлялася. Орбан не пісаў пра паездку ў сваіх сацыяльных сетках, няма ніводнага фотаздымка кіраўніка Венгрыі ў Беларусі. Не чуваць было, каб Орбан сустрэўся з Аляксандрам Лукашэнка ці з кімсьці з іншых высокапастаўленых чыноўнікаў.

У пасольстве Венгрыі ў Беларусі нам сказалі: «Ні абвергнуць, ні пацвердзіць гэтую інфармацыю мы не можам». Слова ў слова такі самы каментар даў выканаўца абавязкаў прэс-сакратара МЗС Андрэй Шупляк.

У Венгрыі ёсць ганаровае консульства ў Брэсце. У гэтым горадзе і адбывалася гульня. Нам удалося звязацца з Уладзімірам Куляшовым, які з’яўляецца памочнікам консула і адначасова намеснікам дырэктара па агульных пытаннях «Санта-Брэмар».

«Пасол Вілмаш Сіклавары прысутнічаў. Орбана чакалі, але яго не было. Прынамсі пасол быў адзін, я з ім гутарыў. Быў таксама гандлёвы прадстаўнік. У любым выпадку ў нас няма пацверджання, што прэм’ер-міністр Венгрыі быў на гульні», — сказаў спадар Куляшоў.

Адзіны, хто пацвярджае візіт Віктара Орбана на гульню ў Брэст, — прадстаўнік Беларускай федэрацыі футбола Дзмітрый Герчыкаў. «Так, Орбан быў на матчы, гэта вядомы факт і гэта дакладна», — сказаў Герчыкаў.

Сама гульня скончылася з лікам 1:1, але беларусы мелі істотную перавагу.

Віктар Орбан — адзін з самых харызматычных кіраўнікоў сённяшняй Еўропы. У Венгрыі ён карыстаецца вялікай падтрымкай, часам яго абвінавачваюць у аўтарытарных замашках.

Каментары7

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

КДБ арыштаваў падазронага актывіста Паўла Бялюціна. У якой краіне гэта адбылося, невядома8

КДБ арыштаваў падазронага актывіста Паўла Бялюціна. У якой краіне гэта адбылося, невядома

Усе навіны →
Усе навіны

Пакістанцы ўжо працуюць у Беларусі. Відэа з Бабруйску з імі абляцела тыкток37

Ваюючы за Расію, загінуў былы работнік мінскага ГУМа3

«Чырвоныя лініі»: Трамп адказаў, пры якіх умовах ЗША выйдуць з перамоў адносна вайны

Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША24

Ультраправы палітык перамог у першым туры перавыбараў у Румыніі. У яго ажно 41%27

Сёння павінен канчаткова перастаць працаваць Skype1

Трамп даручыў адкрыць турму для асабліва небяспечных злачынцаў на востраве Алькатрас1

«На Раство падарылі 5 кілаграмаў рысу». Беларуска ў 65 гадоў пераехала ў Гану і займаецца манікюрам1

Ці ўключаць у Беларусі ацяпленне з-за халоднага надвор'я, адказалі ў ЖЭУ

больш чытаных навін
больш лайканых навін

КДБ арыштаваў падазронага актывіста Паўла Бялюціна. У якой краіне гэта адбылося, невядома8

КДБ арыштаваў падазронага актывіста Паўла Бялюціна. У якой краіне гэта адбылося, невядома

Галоўнае
Усе навіны →

Заўвага:

 

 

 

 

Закрыць Паведаміць