Супрацоўнікі мінскай абласной міліцыі правялі некалькі рэйдаў па аздараўленчых летніках і выявілі факты крадзяжоў з дзіцячага стала. Ва ўсіх выпадках фігурантамі былі работнікі харчблокаў, паведамляе прэс-служба.
У першыя два рэйдавыя дні былі ўстаноўленыя чатыры аналагічныя факты ў лагерах, размешчаных у Валожынскім і Маладзечанскім раёнах.
На Валожыншчыне была затрыманая кухонная рабочая. Жанчына толькі паспела прыступіць да выканання сваіх абавязкаў, але ў яе асабістых засеках супрацоўнікі міліцыі выявілі цэлы набор прадуктаў з дзіцячай сталовай - мяса, свежамарожаны хек, восем слоікаў кансерваванага гарошку, разынкі, свежыя гародніна і садавіна. Жанчына не хавала, што ўладкавалася на працу, у тым ліку з улікам магчымасцяў ўзбагаціць уласны халадзільнік. А яшчэ яна заўважыла - нічога страшнага не адбылося, дзецям усё роўна хапае …
У Маладзечанскім раёне злавілі загадчыцу складам аднаго з летнікаў. Жанчыну заспелі з торбамі ў руках. У іх быў цэлы бакалейны набор. Затрыманая патлумачыла свой учынак тым, што ў дзяцей дрэнны апетыт.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары