Мемы, рэміксы і іншы створаны карыстальнікамі кантэнт можа знікнуць з інтэрнэта, калі будуць прыняты прапанаваныя Еўрасаюзам папраўкі ў закон аб аўтарскім праве, папярэджваюць эксперты.
Праваабаронцы актыўна пратэстуюць супраць Дырэктывы аб аўтарскіх правах, галасаванне па якой павінна адбыцца ў Еўрапарламенце ўжо ў гэтым месяцы.
На думку аўтараў, гэты дакумент павінен абараніць праваўладальнікаў у эпоху інтэрнэта.
Аднак, на думку крытыкаў, новы закон зусім не ўлічвае таго, як людзі на самай справе ўзаемадзейнічаюць з вэб-кантэнтам, і можа стаць інструментам цэнзуры.
Крытыкі кажуць, што фактычна гэта запатрабуе ад інтэрнэт-платформ фільтрацыі ўсяго кантэнту, размешчанага карыстальнікамі — што будзе празмерным абмежаваннем свабоды слова.
Таксама ёсць асцярогі, што фільтраванне такіх аб'ёмаў кантэнту давядзецца даручыць аўтаматычным алгарытмам, а тыя будуць працаваць паводле прынцыпу «лепш перастрахавацца» — і выдаляць усё, што можа ўтрымліваць патэнцыйныя рызыкі для платформы.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары