Прэзідэнты Расіі і Украіны Уладзімір Пуцін і Пятро Парашэнка правялі тэлефонную размову, падчас якой абмеркавалі пытанні, звязаныя з утрыманнем у расійскіх месцах пазбаўлення волі ўкраінскіх зняволеных, паведамляе адміністрацыя прэзідэнта Украіны.
У паведамленні таксама адзначаецца, што Парашэнка звярнуў увагу Пуціна на галадоўку некаторых зняволеных і выказаў занепакоенасць пагаршэннем стану іх здароўя.
«Была дасягнутая дамоўленасць, што ў бліжэйшы час зняволеных наведаюць упаўнаважаныя па правах чалавека абедзвюх краін», - гаворыцца ў паведамленні прэс-службы Парашэнка.
У Крамлі ўдакладнілі, што дасягнутая дамоўленасць пра візіты амбудсменаў тычыцца як украінцаў, якія знаходзяцца ў зняволенні ў Расіі, так і расійскіх грамадзян, якія знаходзяцца ў зняволенні ва Украіне.
Нагадаем, што 14 мая галадоўку ў расійскай турме абвясціў зняволены на 20 гадоў Алег Сянцоў, ён патрабуе вызвалення ўсіх украінскіх палітвязняў, што ўтрымліваюцца ў Расіі.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары