На чэмпіянаце свету чарговая сенсацыя. Зборная Бразіліі і Швейцарыі згулялі ўнічыю — 1:1. На гол Каўціньё ў першым тайме швейцарцы адказалі голам Цубера. А потым мужна адстаялі вароты.
Цікава, што зборная Швейцарыі, відаць, самая інтэрнацыянальная зборная чэмпіянату свету. Бацькі гэтых гульцоў прыехалі ў краіну, ратуючыся ад войнаў ці беднасці на сваёй радзіме. Ці проста ў пошуках лепшай долі.
Возьмем гульцоў, што выйшлі сёння на поле.
«Бясспрэчнае», калі можна так сказаць, швейцарскае паходжанне маюць хіба галкіпер Ян Зомер, а таксама Стэфан Ліхтштайнер, Фабіян Шар, Стывен Цубер і Міхаэль Ланг (гэты выйшаў на замену)
Абаронца Рыкарда Радрыгес — сын іспанца і чылійкі. Мануэль Аканджы мае нігерыйскае паходжанне.
Граніт Джака, Валон Бехрамі, Джэрдан Шачыры, Блерым Джэмайлі маюць албанскае паходжанне (бацькі эмігравалі з Албаніі, Косава, Македоніі). Напрыклад, брат Граніта Джакі Таўлант гуляе за зборную Албаніі.
Бацькі Дэніса Закарыі эмігравалі ў Швейцарыю з Паўдневага Судана і ДР Конга. Харыс Сеферавіч — басніец.
А ёсць яшчэ Ёан Джуру (ён з Кот д'Івуара), Франсуа Мубанджэ і Брэль Эмбало маюць камерунскае паходжанне, Ёсіп Дрміч — харвацкае. Жэлсан Фернандэш паходзіць з Каба-Вердэ.
Да таго ж трэніруе каманду Уладзімір Петравіч, што нарадзіўся ў Босніі.
Вось такі інтэрнацыянал, які шчоўкнуў па носе Бразілію.
Калі сочыце за чэмпіянатам свету па футболе, раім вам зрабіць стаўку ў Букмекерскай канторы Марафон!
Цяпер чытаюць
Лукашэнка незадаволены віцэ-прэм’еркай Наталляй Пяткевіч — «буксуе»21
Каментары