Прэзідэнт ЗША Дональд Трамп прапаноўваў французскаму лідару Эманюэлю Макрону выгадную двухбаковую гандлёвую ўгоду наўзамен выхаду Пятай рэспублікі са складу Еўрасаюза. Пра гэта паведаміла ў чацвер газета The Washington Post са спасылкай на еўрапейскія службовыя асобы.
Па іх звестках, падчас прыватнай гутаркі ў Белым доме 24 красавіка Трамп абмяркоўваў з Макронам пытанні гандлю. У нейкі момант амерыканскі лідар спытаў французскага прэзідэнта: «Чаму б вам не пакінуць ЕС?» Узамен Трамп прапанаваў Макрону, па звестках выдання, гандлёвую здзелку на больш выгадных умовах, чым з Еўрасаюзам у цэлым.
Белы дом адмовіўся каментаваць гэтую інфармацыю. Па звестках партала Вардар, падчас гэтай жа гутаркі ў Белым доме Трамп заявіў Макрону, што Еўрасаюз у гандлёвай сферы «горшы за Кітай».
Каментары