Працягваецца расследаванне аб дзейнасці лжэброкераў з кампаніі Trade12, якім беларусы перавялі каля 650 тысяч даляраў, паведамляе Следчы камітэт. Прадстаўнікі фірмы прапаноўвалі выгадна інвеставаць грошы — гандляваць на рынку Forex, пасля чаго выманьвалі грошы і спынялі выходзіць на сувязь.
Пад гандлёвай маркай «Trade12» быў арганізаваны інтэрнэт-сэрвіс, які нібыта займаўся аказаннем брокерскіх паслуг. Грамадзянам прапаноўвалася паўдзельнічаць у таргах на курсах валют, металамі, кантрактамі, акцыямі. Для гэтага неабходна было ўнесці грашовыя сродкі на гандлёвы рахунак на электроннай платформе кампаніі.
Пацярпелыя знаходзіліся ў поўнай упэўненасці, што пад кіраўніцтвам «брокера» праводзяць рэальныя аперацыі з каштоўнымі паперамі, аднак фактычна яны гулялі ў анлайн-гульню, якая імітуе працу форэкс-кампаніі, у тым ліку таргі.
Першапачаткова для пацярпелых мадэляваліся паспяховая фінансавая дзейнасць, пасля чаго «брокеры» пераконвалі грамадзян укладваць усе вялікія сумы.
У выпадку адмовы дадаткова ўносіць грашовыя сродкі на рахунак, брокеры тлумачылі, што абнаявіць іх не ўяўляецца магчымым і, каб працягваць карыстацца рахункам, неабходна яго папоўніць на яшчэ больш буйную суму.
Устаноўленая на дадзены момант агульная сума шкоды складае каля 650 тыс. даляраў ЗША.
Крымінальныя справы ў дачыненні да прадстаўнікоў кампаніі заводзіліся па ўсёй тэрыторыі Рэспублікі Беларусь і ў краінах СНД з 2016 года.
Следчы камітэт звяртае ўвагу, што інтэрнэт-сэрвіс «Trade 12» не мае правоў на аказанне фінансавых паслуг на тэрыторыі Рэспублікі Беларусь і ўнесена ў «чорны спіс» шматлікіх міжнародных арганізацый па рэгуляванні адносін у сферы фінансавых рынкаў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары