Лукашэнка павіншаваў членаў нацыянальнай каманды Беларусі па лёгкай атлетыцы Вольгу Мазуронак, Марыну Даманцэвіч, Анастасію Іванову і Ніну Савіных з выдатным выступам у марафоне на чэмпіянаце Еўропы 2018 года, паведамляе БелТА.
Чытайце: Вольга Мазуронак заваявала залаты медаль у марафоне на ЧЕ ў Берліне, нягледзячы на моцны крывацёк з носу
Кіраўнік дзяржавы выказаў асаблівую ўдзячнасць лідару каманды Вользе Мазуронак. «Твая перамога ў асабістым і камандным заліках не толькі важкі спартыўны вынік, але і яркі прыклад самаахвярнасці і мужнасці, якая можа служыць узорам будучым чэмпіёнам», — гаворыцца ў віншаванні.
Аляксандр Лукашэнка адзначыў, што каманда з гонарам прайшла знемагальнае выпрабаванне на трасе ў Берліне і заваявала камандны кубак, пацвердзіўшы сілу беларускай лёгкаатлетычнай школы. «Вамі ганарыцца краіна!» — падкрэсліў Лукашэнка і пажадаў спартсменкам моцнага здароўя і новых поспехаў.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары