У ЗША 10-гадовы хлопчык упаў галавой на шампур і перажыў аперацыю па яго выцягванні з мозга, паведамляе BBC.
Інцыдэнт адбыўся ў горадзе Харысанвіль, штат Місуры. Ксав'ер Канінгам (Xavier Cunningham) гуляў у доміку на дрэве, калі на яго напалі восы. Уцякаючы ад іх, ён паслізнуўся і ўпаў галавой на шампур даўжынёй 30 сантыметраў, які быў уваткнуты ў зямлю. Ён уваткнуўся ў чэрап дзіцяці каля носа на 15 сантыметраў і выйшаў з боку патыліцы. Пасля гэтага хлопчык змог падняцца і дайсці да хаты.
Маці адвезла дзіця ў мясцовую бальніцу. Адтуль яго даставілі ў клініку штата Канзас, а потым і ва ўніверсітэцкую бальніцу з-за высокай складанасці аперацыі. Лекары зрабілі дзіцяці рэнтген і выявілі, што шампур неверагодным чынам не закрануў вочы, мазгавы ствол, спінны мозг і крывяносныя сасуды.
Коджы Эберсол (Koji Ebersole), кіраўнік дэпартамента эндаваскулярнай хірургіі Канзаскага ўніверсітэта, заявіў, што выпадак Канінгама ўнікальны: «Нельга нават уявіць сабе лепшага зыходу. Шанец на тое, што шампур уваткнецца ў галаву на 15 сантыметраў і не закране нічога з жыццёва важных органаў, — адзін на мільён». Больш за ўсё, па яго словах, лекары хваляваліся, як не пашкодзіць сасуд на шыі вострымі гранямі шампура.
Ён назваў вылячэнне «чароўным» і адзначыў, што звычайна ў такіх сітуацыях не выжываюць. Канінгам ідзе на папраўку, аднак, магчыма, у яго могуць узнікнуць праблемы з голасам.
Цяпер чытаюць
Бабарыка зоймецца бізнэсам — ужо адкрыў кампанію ў Германіі9
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары