Карціну кітайскага мастака прадалі за рэкордную суму ФОТА
Аўкцыён Sotheby’s вызначыў самы дарагі твор сучаснага азіяцкага мастацтва.
Цікавасць да кітайскага мастацтва на ўздыме — на аўкцыёне Sotheby’s у Ганконгу карціна кітайска-французскага мастака Чжао Уцзі сышла з малатка за $65 мільёнаў.
Гэта сусветны рэкорд для пісанай алеем карціны сярод азіяцкіх мастакоў. Трыпціх (палатно з трох частак) памерам 2,8 на 10 метраў мае назву «Чэрвень-кастрычнік 1985».
Чжао Уцзі нарадзіўся ў Пекіне ў 1920 годзе, але большую частку свайго творчага жыцця (а пражыў ён ажно 93 гады) правёў у Парыжы. Маляваць Чжао Уцзі пачаў у 10 год. Цікава, што яго бацька, хоць і быў банкірам, але ўсяляк заахвочваў прагу сына да мастацтва і даслаў яго вучыцца ў школу мастацтваў у горадзе Ханчжоў.
Знаёмства з заходнім, у першую чаргу — французскім мастацтвам, прывяло да таго, што Чжао Уцзі парваў з кітайскай традыцыяй. Але потым, па словах мастака, ён увесь час адкрываў для сябе мастацтва Кітая наноў. «Як ні парадаксальна, але менавіта Парыжу я абавязыны тым, што вярнуўся да сваіх найглыбейшых вытокаў», — сцвярджаў ён у інтэрв'ю часопісу Preuves у 1962 годзе.
-
У Вялікай Бераставіцы знеслі ўнікальны заезны двор ХІХ стагоддзя. На сцяне з савецкіх часоў вісела шыльда «ахоўваецца законам»
-
Мінкультуры расказала пра спробы вяртання беларускіх каштоўнасцяў, страчаных падчас войнаў
-
У сеціве з’явіўся першы вялікі альбом велікодных спеваў на роднай мове. Паслухайце
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары