Расія ў апошнія месяцы перакідвала ў Лівію вайсковы кантынгент. Пра гэта РБК расказала крыніца ў расійскім Міністэрстве абароны.
Гаворка ідзе аб некалькіх дзясятках элітных падраздзяленняў. Іх перакідалі ва ўсходнюю Лівію з падмаскоўных часцей.
РБК таксама перадае словы крыніцы, блізкай да лівійскіх улад, пра тое, што Расія сапраўды вядзе ваенную актыўнасць у рэгіёне. Хаўруснікам Масквы ў краіне з'яўляецца кіраўнік Лівійскай нацыянальнай арміі маршал Халіф Хафтар. Адзначаецца, што расійская прысутнасць звязана з нафтагазавымі інтарэсамі.
Раней, 9 кастрычніка, брытанскія спецслужбы паведамілі прэм'ер-міністру Вялікабрытаніі Тэрэзе Мэй, што Расія накіроўвае ў Лівію войскі. Масква «хоча ператварыць Лівію ў новую Сірыю» і ўзяць пад кантроль найбуйнейшы маршрут нелегальнай міграцыі ў Еўропу.
Некаторыя СМІ паведамляюць, што, акрамя спецназа, у Лівіі размешчаны супрацьпаветраныя комплексы С-300.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары