Эксперты ў галіне кібербяспекі з кампаніі Cisco выявілі новы вірус-злодзей для Android. Пра гэта яны паведамілі ў блогу арганізацыі.
Небяспечную праграму спецыялісты назвалі GPlayed. У яе афармленні злачынцы капіявалі афіцыйны дадатак Google Play. Пасля загрузкі на экране гаджэта з'яўляўся значок з подпісам Google Play Marketplace.
Праграма, надзеленая правамі адміністратара, дазваляла кіберзлачынцам кіраваць прыладай на адлегласці. Яны маглі самастойна заблакаваць гаджэт або выкарыстаць яго для тэлефанаванняў або адпраўкі паведамленняў. Акрамя інфармацыі, якая захоўваецца ў памяці прылады, дадатак здольны скрасці плацежныя звесткі
Па паведамленнях спецыялістаў, цяпер зламыснікі актыўна тэстуюць сваю новую распрацоўку, і ў будучыні яна можа стаць сур'ёзнай пагрозай для Android-прылад.
Каментары