Дзяржаўны абвінаваўца папрасіў прызначыць вайскоўцу 120-й асобнай механізаванай брыгады, які праходзіць абвінавачаным па справе аб гібелі салдата тэрміновай службы ў Мінску, 2 гады 6 месяцаў пазбаўлення волі з адбываннем пакарання ў калоніі-пасяленні, піша БелТА.
Вайсковец абвінавачваецца ў парушэнні правілаў абыходжання са зброяй, што пацягнула па неасцярожнасці смерць чалавека.
Сваю віну абвінавачаны прызнае цалкам.
— Не ведаю, што сказаць, — разгублена сказаў Сяргей Крупа.
Кароткая прамова давалася яму з цяжкасцю, у канцы голас дрыжаў:
- Я прызнаю сваю віну … Шкадую аб тым, што адбылося. Ніколі не забуду гэтую сям'ю і заўсёды буду яе падтрымліваць. Ніколі не забуду Дзіму. Як мы з ім ноччу размаўлялі пра жыццё, як рабілі машыну, як былі на палігоне. Ён заўсёды быў і застанецца маім сябрам, — цытуе словы Крупы ў судзе Tut.by.
Прысуд будзе абвешчаны сёння, 22 кастрычніка, у 17.00.
Каментары