Уладзімір Пуцін заявіў, што Севастопаль дэ-юрэ заўсёды быў у складзе Расіі, таму што пры перадачы Крыма Украіне ў 1954 годзе пра горад «проста забыліся». Пра гэта ён распавёў на сустрэчы з мэрам Масквы Сяргеем Сабяніным, паведамляе ТАСС.
«Ён [Севастопаль] быў горадам цэнтральнага падпарадкавання, і нават пры перадачы — незаконнай перадачы — Крыма са складу РСФСР у склад Украінскай ССР, — сказаў Пуцін. — Незаконнай, таму што рашэнне было прынята прэзідыумам Вярхоўнага Савета РСФСР, Украіны, а затым зацверджана прэзідыумам Вярхоўнага Савета СССР. А па законе трэба было зацвярджаць Вярхоўнымі Саветамі рэспублік і Вярхоўным Саветам СССР».
«Але нават пры гэтым незаконным, па сутнасці, працэсе, пра Севастопаль проста забыліся, і ён не перадаваўся са складу РСФСР у склад Украіны, — дадаў Пуцін. — Так што фармальна і юрыдычна ён заўсёды быў у складзе Расіі».
Крым разам з горадам Севастопалем быў анексаваны Расіяй вясной 2014 года.
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска4
Каментары