З калоніі выпусцілі анархіста Змітра Паліенку, якога праваабаронцы лічылі палітвязнем
З бабруйскай калоніі выйшаў на волю анархіст Зміцер Паліенка, былы актывіст руху нацболаў. Пра гэта паведамілі ў сацсетках яго паплечнікі.
Справа Паліенкі пачалася ў красавіку 2016 года з велапрабегу «Крытычная маса». Хлопца прызналі вінаватым у вырабе і распаўсюдзе порна, а таксама ў тым, што ён пры затрыманні парваў куртку міліцыянту. Паліенку далі два гады з адтэрміноўкай.
Аднак на працягу наступнага года на яго некалькі разоў складалі пратаколы, таму ўрэшце Паліенка паехаў у калонію.
Беларускія праваабаронцы прызнавалі яго вязнем сумлення.
Каментары