У раёне Армуза адбыўся маштабны разліў нафты. Ёсць пагроза экалагічнай катастрофы
У Персідскім заліве каля іранскіх астравоў Кешм і Сіры зафіксавалі дзве вялікія нафтавыя плямы. Разлівы адбыліся на фоне нападаў на танкеры і іншыя судны і могуць прывесці да сур'ёзных наступстваў для марской экасістэмы. Забруджванне таксама можа закрануць узбярэжжа Амана, паведамляе Reuters.
Спадарожнікавыя здымкі і відэа паказваюць значныя сляды нафты ў акваторыі. Адзін з разліваў знаходзіцца каля паўднёвай часткі вострава Кешм. На спадарожнікавых здымках відаць цёмную вадкасць, якая ўжо дасягнула ўзбярэжжа пляжаў Суз на востраве.
Другую нафтавую пляму выявілі каля вострава Сіры, прыкладна за 100 кіламетраў на паўднёвы захад ад Кешма. У гэтым раёне вядзецца здабыча нафты і газу на марскім шэльфе Ірана.
Паводле адной з версій, забруджванне каля Кешма магло быць звязана з уцечкай з судна Minoan Pioneer, якое ішло пад сцягам Ліберыі і перавозіла сухія грузы. 3 жніўня каля ўзбярэжжа Амана судна было пашкоджана невядомым снарадам. Паводле крыніц у сферы марской бяспекі, гэта магла быць атака Ірана падчас праходжання Армузскага праліва.
Дакладная прычына разліваў пакуль, аднак, не ўстаноўленая. Незалежна пацвердзіць іх паходжанне таксама не ўдалося, як і дакладны склад рэчываў у плямах.
Асобны буйны разліў зафіксаваны каля ўзбярэжжа Амана, за межамі Армузскага праліва. Там танкер Caroline Bezengi сеў на мель, у выніку чаго ў мора выцякае расійская сырая нафта. Паводле прыведзеных у матэрыяле звестак, нафтавая пляма займае каля 2 тысяч квадратных кіламетраў і знаходзіцца ў ахоўнай марской зоне.
Спецыялісты папярэджваюць, што чым даўжэй нафта застаецца ў навакольным асяроддзі, тым далей яна можа распаўсюджвацца і тым большай становіцца шкоднай для марскіх экасістэм і берагавой лініі.
Сітуацыя ўскладняецца вайсковым канфліктам у рэгіёне. Ён перашкаджае спецыялістам своечасова ацэньваць маштабы забруджвання і праводзіць работы для ліквідацыі наступстваў.
Навукоўцы б'юць трывогу: судны, якія захраслі ў Армузскім праліве, разнясуць па ўсім свеце грымучую біялагічную сумесь
Еўропа ўжо амаль адвыкла ад расійскага газу, але зіма зноў пагражае ЕС энергетычным крызісам
Трамп назваў магчымую дату адкрыцця Армузскага праліва
Іран захавае кантроль над Армузскім пралівам
«Кайлас, я іду». Што за беларуска знікла ў жудасным селі ў Непале6
Каментары