Увечары ў суботу верталёт уладальніка «Лестэра Сіці» Вішая Шрываданапрабхі разбіўся неўзабаве пасля ўзлёту. Па дадзеных крыніцы Бі-бі-сі, у момант крушэння тайскі бізнэсмэн знаходзіўся на борце.
Інцыдэнт адбыўся непадалёк ад стадыёна каманды ў Лестэры пасля матча з «Вэст Хэм Юнайтэд». Пажарным спатрэбілася 20 хвілін, каб патушыць агонь пасля крушэння.
Ураджэнец Бангкока Шрываданапрабха выкупіў клуб «Лестэр Сіці» летам 2010 года за 39 млн фунтаў, а праз шэсць гадоў каманда-аўтсайдар нечакана стала чэмпіёнам англійскай прэм'ер-лігі.
Гэта была першая ў 132-гадовай гісторыі «Лестэра» перамога ў вышэйшай лізе англійскага футбола. Шанцы клуба на перамогу ў чэмпіянаце ў пачатку сезона ацэньваліся букмекеры як 1 да 5000.
Ён наведваў усе хатнія матчы «Лестэра Сіці», прылятаўшы на стадыён на ўласным верталёце.
Верталёт узляцеў з тэрыторыі стадыёна праз паўгадзіны пасля заканчэння матча, і, як паведамляюць відавочцы, рэзка пачаў губляць хуткасць, пасля чаго разбіўся на аўтамабільнай паркоўцы і загарэўся.
Адзін з відавочцаў расказаў у інтэрв'ю Sky Sports News: «Нам з акна бара праз дарогу быў бачны стадыён. Я быў з пляменнікам. Мы ўбачылі, што верталёт закруціла, а потым праз нейкі момант ён упаў і загарэўся».
Па словах аднаго са сведкаў, «хваставы вінт не працаваў, з-за чаго верталёт закруціла».
Фатограф Раян Браўн, які працаваў на матчы, сказаў, што яму было добра відаць, што адбылося з верталётам перад крушэннем. Ён распавёў у інтэрв'ю Бі-бі-сі: «У літаральным сэнсе спыніўся рухавік, і я павярнуўся. Ён [верталёт] пачаў стракатаць, пасля чаго шум заціх. Лопасці закруціліся, а затым я пачуў гучны выбух». Ён распавёў, што пабег да месца крушэння і ўбачыў вялізны шар полымя. Было падобна, што верталёт урэзаўся ў прамысловы парк, які прымыкае да стадыёна.
Прычыны крушэння пакуль невядомыя.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары