Што вядома пра трагедыю ў Лунінцы, дзе пры маці абезгаловілі 8-месячную дзяўчынку

27 кастрычніка ў кватэры шматпавярховага дома ў Лунінцы бацька знайшоў цела васьмімесячнай дзяўчынкі. Як нам стала вядома, дзіцяці адрэзалі галаву. Па падазрэнні ў забойстве малалетняй затрымалі маці дзіцяці і яе 47-гадовага прыяцеля. TUT.BY даведаўся падрабязнасці жыцця сям'і, дзе адбылася трагедыя.

Павялічыць

25-гадовая Наталля і яе муж Леанід выхоўвалі траіх дзяцей. Двое хлопчыкаў — 4 і 6 гадоў — і васьмімесячную Аню. Сям'я жыла ў кватэры на пятым паверсе новабудоўлі на вуліцы Гагарына. Як распавёў TUT.BY далёкі сваяк Наталлі, які папрасіў не называць яго імя, маладыя людзі пражылі ў шлюбе 7 гадоў, а да гэтага доўга сустракаліся. Усе трое дзяцей — агульныя.

Старонка Наталлі ў сацсетцы запоўненая фотаздымкамі дзяцей. Ёсць сярод іх і здымкі маленькай Ганны. Пад фатаграфіямі — кранальныя подпісы: «мая дачушка», «мая прынцэса». Апошні раз мама заходзіла ў сетку прыблізна за гадзіну да жорсткага забойства малой.

Павялічыць

«У школе Наташа была добрай дзяўчынкай, вучылася нядрэнна, заўсёды дапамагала, калі патрэбна была дапамога. Але ўжо падлеткам вельмі часта сыходзіла з дому, знікала на некалькі дзён, начавала ў сябровак і сяброў», — распавяла TUT.BY былая аднакласніца Наталлі Вольга.

Знаёмыя і сваякі характарызуюць Наталлю нейтральна: алкаголем не злоўжывала, любіла і клапацілася пра дзяцей. Аднак, кажуць, у апошні час яе нярэдка бачылі ў забаўляльных установах Лунінца. Часцяком — без мужа. Па словах знаёмай Наталлі, жанчына «магла выпіць келіх віна», але «вельмі п'янаю» яе не бачылі.

Пасля нараджэння Ані мама сышла ў дэкрэтны адпачынак, Леанід працягнуў працаваць на адным з заводаў горада.«Гэта была шчаслівая і любячая сям'я», — распавёў TUT.BY родны брат бацькі дзяўчынкі Валерый. Усе сваякі цяпер у шоку.

Былая аднакласніца Леаніда Ганна распавяла TUT.BY, што яе дзеці ходзяць у адзін сад са старэйшымі хлопчыкамі Наталлі і Леаніда: «З боку выглядаюць як звычайная добрая сям'я».

Павялічыць

Суседзі, з якімі пагутарыла «Медыя-Палессе», кажуць, што, сапраўды, па раніцах муж і жонка часта ўдваіх вялі старэйшых сыноў у дзіцячы сад. Аднак па вечарах з іх кватэры даносіліся гукі застолля і сямейных разборак.

Блізкія Леаніда адгукаюцца пра яго станоўча. Па іх словах, ён працавіты, клапатлівы бацька, любячы муж. Пры гэтым адзначаюць, што дзеці заўсёды былі дагледжаны ў асноўным дзякуючы Леаніду і яго сям'і.

Павялічыць

Менавіта Леанід ў тую страшную суботу 27 кастрычніка знайшоў дома цела маленькай дачкі. Як распавёў TUT.BY яго стрыечны брат Аляксандр, у дзень забойства галава сямейства з сынамі дапамагаў сваім бацькам па гаспадарцы. У гэты час у іх кватэры Наталля распівала спіртныя напоі ў кампаніі з 47-гадовым знаёмым Віктарам. Паводле непацверджанай інфармацыі, з імі таксама знаходзілася 45-гадовая жанчына. Па дадзеных партала «Медыя-Палессе», падчас застолля кампанію раздражняў плач малой, што і паслужыла падставай для забойства. Леанід прыехаў дадому прыкладна праз 30—40 хвілін пасля трагедыі. Ён убачыў, што здарылася, і выклікаў хуткую з міліцыяй.

Па інфармацыі TUT.BY, дзіцяці не проста перарэзалі горла — малую абезгаловілі.

Следчы камітэт пачаў крымінальную справу за забойства малалетняй з асаблівай жорсткасцю. Затрыманыя маці дзіцяці і яе знаёмы Віктар. Пакуль не вядома, хто з іх расправіўся з дзяўчынкай. Блізкія затрыманай настойваюць, што сама Наталля не магла так паступіць са сваёй дачкой:«Яна на гэта, па-першае, не здольная, па-другое, яна любіць сваіх дзяцей», — запэўнівае сваяк жанчыны.

У аддзеле адукацыі, спорту і турызму Лунінецкага райвыканкама TUT.BY паведамілі, што сям'я сапраўды была на ўліку як сацыяльна небяспечная. Падставай паслужыла ўжыванне алкаголю і сямейна-побытавы канфлікт, які аднойчы скончыўся выклікам міліцыі.

У органах апекі запэўніваюць, што пасля пастаноўкі на ўлік з бацькамі праводзілася прафілактычная работа.

— Усе суб'екты прафілактыкі ўдзельнічалі. Якасць работы зараз аналізуецца.

• 0
• 0
• 0
• 0
• 0
• 1
• 0
• 0