Былы паўабаронца зборнай Партугаліі Луіш Фігу параўнаў гульню форвардаў Крышціяну Раналду і Раналда. Словы футбаліста прыводзіць AS са спасылкай на сэрвіс DAZN.
«Крышціяну здольны забіваць вельмі шмат галоў галавой. Зрэшты, абодва форварды проста выдатныя. Яны гарантуюць шмат галоў. Усё, што трэба зрабіць, — гэта аддаць ім пас. Яны ўсё зробяць самі.
Але я б сказаў, што Раналда быў найлепшы ў гульні ў штрафной», — распавёў Фігу, адзначыўшы, што з двух футбалістаў абраў бы бразільца Раналда.
Фігу гуляў з абодвума. Ён быў партнёрам Раналда ў мадрыдскім «Рэале», а разам з Раналду выступаў за зборную Партугаліі.
Раналда, як і Раналду, гуляў у «Рэале». Бразілец двойчы станавіўся чэмпіёнам Іспаніі. Раналда двойчы выйграваў чэмпіянат свету па футболе — у 1994-м і 2002-м. Акрамя таго, бразілец вядомы па выступах у каталонскай «Барселоне», італьянскіх клубах «Інтэрнацыянале» і «Мілан».
Партугалец гуляў у «Рэале» з 2009 года і стаў найлепшым бамбардзірам у гісторыі клуба. У складзе каманды ён чатыры разы станавіўся пераможцам Лігі чэмпіёнаў. Улетку 2018-га ён перайшоў у «Ювентус».
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён8
Каментары