Расійскія школьнікі і студэнты зладзілі чэлендж пасля навіны з Краснаярскага краю, дзе настаўніца адчытала дзесяцікласнікаў за фразу «Пуцін — злодзей» на дошцы, паведамляе «Сноб».
Чэлендж пачаўся ў суполцы «Сталингулаг» з фатаграфіі з чацвёртай школы Гусінаазёрска ў Бураціі.
У каментарах выклік прынялі вучні з Краснаярска, Ніжняга Ноўгарада, Краснадара. Краснаярскі школьнік, напрыклад, вырашыў пажартаваць, напісаўшы «Пуцін — злодзей» у рашэнні задачы па фізіцы.
Штуршком для акцыі стаў інцыдэнт, які адбыўся 12 лістапада ў адной са школ пасёлка Таёжны ў Расіі. Вучань напісаў на дошцы «Пуцін — злодзей». З-за гэтага настаўніца гісторыі і грамадазнаўства адчытала падлеткаў: пагражала паліцыяй і ўспамінала часы, калі за падобны ўчынак маглі расстраляць.
Цяпер чытаюць
Шакуючая страта года, таямнічыя знікненні, дыкпікі і дэпартацыі — асноўныя людзі і падзеі 2025 года4
Каментары