Здарэнні1212

У навагоднюю ноч туркменскія студэнты ў Мінску кідалі петарды ў міліцыянтаў

3 студзеня ў Беларускім дзяржаўным эканамічным універсітэце (БДЭУ) адбыўся сход з замежнымі студэнтамі ВНУ, на якім разбіраліся навагоднія інцыдэнты з удзелам студэнтаў з Туркменістану, перадае Белсат са спасылкай на «Альтэрнатыўныя навіны Туркменістану».

На сходзе дэкан па працы з замежнымі студэнтамі Наталля Скрыба сказала, што туркмены падзяліліся на дзве групы і ўступілі ў бойку з выкарыстаннем бітаў.

«Разборкі такія ў межах уласнай нацыі», — казала Скрыба.

Інтэрнат №5 БДЭУ, у якім жывуць усе замежныя студэнты гэтай ВНУ. Імаверна тут адбылася бойка паміж студэнтамі з Туркменістану. Фота: habartm.org

У навагоднюю ноч туркменскія студэнты ўзрывалі на тэрыторыі інтэрнату петарды. Міліцыянты, якія прыехалі, сітуацыю не выправілі — п’яныя туркмены пачалі кідаць петарды і ў іх.

«Думаў, вайна пачалася», — прывёў падчас сходу словы калегі намеснік дэкана факультэту права Яўген Астапаў.

Прарэктар па выхаваўчай працы ўніверсітэту Сяргей Скрыба заклікаў студэнтаў да адказнасці.

«Я не ведаю, чым скончацца два выпадкі: адзін выпадак — бойка, другі — кінутая [у людзей] пры службовым выкананні петарда — яны былі з аўтаматамі. Магло адбыцца ўсё, што заўгодна, — заявіла Скрыба. — Мы ўсе хочам, каб усе вы паехалі з добрай рэпутацыяй».

Намеснік дэкана па працы з замежнымі навучэнцамі Алена Каляда сказала, што ні аднаму беларусу і ў галаву не прыйшло б кідаць петарды з вокнаў:

«Да гэтага маглі дадумацца толькі вы [туркмены]… Кідаць петарды [з акна] — гэта кажа аб вашых разумовых здольнасцях».

Наталля Скрыба: «Хто прыйшоў не зусім у нармальным стане, трэба разумець — дайсці да [свайго] пакоя і легчы [спаць]». Праз некалькіх парушальнікаў уражанне складаецца аб усёй нацыі ў цэлым.

Прадстаўнікі адміністрацыі вучэльні кажуць, што не раз бывалі ў Туркменістане, мелі зносіны з рознымі людзьмі, у тым ліку і з бацькамі студэнтаў, але там назіралі зусім іншую ментальнасць.

«Які сабака вас кусае, калі вы сюды прыязджаеце?! Чаму вы мяняецеся дыяметральна процілегла?! Там вы іншыя, а тут вы… Што адбываецца? Воля? Свабода? Яшчэ нешта? Да кожнага з вас міліцыянта ці выхавальніка не прыставіш», — дадаў Яўген Астапаў.

Паводле БДЭУ, туркменскія навучэнцы парушаюць распарадак інтэрнату не толькі падчас святаў, але і ў звычайныя дні: у пакоях, дзе пражываюць туркмены, брудна, з вокнаў на вуліцу ляцяць пакеты з-пад малака і іншае смецце.

Адміністрацыя вучэльні вымушаная сяліць студэнтаў з Туркменістану толькі разам: досвед паказаў, што яны не ўжываюцца з іншымі замежнікамі. Праблемай у 2013-м занепакоіўся нават Аляксандр Лукашэнка, які прапанаваў пабудаваць для студэнтаў з Туркменіі «выспу» з гатэлямі і інтэрнатамі.

У беларускіх ВНУ навучаецца каля 8 тысяч студэнтаў з Туркменістану, каля 300 з іх — у БДЭУ. Беларускія вучэльні ахвотна бяруць іх, бо вучацца яны платна. У Туркменістане ж беларуская адукацыя лічыцца еўрапейскай і недарагой.

Каментары12

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць