Independent назвала Мінск першым у топ-10 гарадоў, якія варта наведаць у 2019 годзе
Брытанская Independent назвала Мінск у ліку дзесяці еўрапейскіх гарадоў, якія варта наведаць у 2019 годзе. З улікам таго, што з 21 па 30 чэрвеня тут пройдуць Еўрапейскія гульні 2019 года, Мінск у артыкуле названы першым.
«Заходнія турысты, трапляючы ў Мінск, здзіўленыя тым, наколькі горад чысты і бяспечны. Хоць не чакайце, што ўсе будуць тут адказваць па-англійску», — адзначаюць аўтары артыкула.

Аўтары артыкула звяртаюць увагу на 30-дзённы бязвіз і атмасферу старога горада з яго хіпстарскімі кавярнямі і барамі. Адзначаецца, што пакой у хостэле «Трыніці» абыйдзецца ўсяго ў £25, а пералёт польскімі авіялініямі ў £145 (даражэй, чым у астатнія турыстычныя цэнтры, якія рэкламуюцца ў артыкуле).
Акрамя Мінска, выданне рэкамендуе Ратэрдам (Нідэрланды), Сітжэс (Іспанія), Арль (Францыя), Сараева (Боснія), Рым (Італія), парыжскі Дыснейлэнд, Бялград (Сербія), Венецыю (Італія), Брысталь (Вялікабрытанія).
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку
Каментары